曾幾何時響金融海嘯之前,恆指由大約2007年的20,000點左右升至三萬多點,再加上網誌的興起,網上出現了好幾個出名的投資/炒股網誌。
我記得當時自己仲讀緊書,炒左五年股票左右,輸錢多過贏錢,但睇完某幾個網誌之後,就好似發現新大陸一樣。
其中一些印象很深刻的網誌包括鄧小閑的炒股18年(文章篇幅不是太多,我花了一兩天把全個網誌睇晒。但有關股息、長線投資的概念對我影響頗大。)、市場先生、CKM101、征服股海 - 林奇(印象中此君係一個自稱都係做基金經理的人,並非漫步華爾街的作者),另外我還幾乎每天都會去看看火燎森、隨CUP等人的網誌。
再加上前投行股票分析師林森池大師的電台節目同埋佢寫0既著作,令我開始明白到投資到底是什麼一回事。
(近年較出名的「巴黎的價值投資」、味皇的「有道德搶劫」其實已經算較後期的了,而止凡的網誌果時仲係叫做「永不做田雞」,印象中並不是與投資理財有很大關係,大多數的投資理財文章都是轉載之後再加一點兒自己的評論。)
自從Xanga的暫停營運和Yahoo!的網誌功能結束後,不少網誌都已經消聲匿跡,而我自己亦沒有再寫任何網誌。
人大了,漸漸覺得在網上分享自己所想,有些時候無意間/唔小心,會引起罵戰,在虛擬世界上花時間爭拗,嬴左都無意思啦。有D人的言論甚至可能犯左法都不自知。(或多或少亦可能因為我依家正在進修一個法律相關學歷,更加會留意一些言論的法律責任。)
所以我已經好多年都幾乎沒有在討論區又或者其他網誌留言。
近半年,股市由低位升至高位再由高位急跌至低位,令到不少股市新丁進入市場,坊間推出了唔少所謂的投資炒股炒樓課程,又或甚麼分析專頁。
自己投資/炒股多年後成績有所進步(近幾年都跑嬴恆指),再加上響投行做過一段時間,見到坊間0既一些類似「教你炒股發達」0既課程、分析,又或者似是而非的知識,有時真係覺得得啖笑。
最近真係忍唔住,想開返個網誌分享下自己所知所想。
沒有留言:
張貼留言