股神的近百句金句

2017年接近尾聲, 趁這幾天假期唔開市, 重溫股神的近百句金句。

坦白講, 近百句金句當中我早已幾乎熟到隨時背到好幾十句, 但重溫一次, 仍會感覺到又學到野!!

這些金句真係好值得好值得有心學習投資的初學者一睇再睇。


<<巴菲特名言 遺留了哪句？>>
http://cpleung826.blogspot.hk/2017/12/blog-post_12.html

別人教投資的Blog

https://www.facebook.com/MarketAdventurer/

我唔識呢個blogger, 佢唔係講咩價值投資或者投資觀念之類, 而係偏向講投機、交易、炒賣, 但係我留意左佢一段時間, 唔少文章都真係幾值得睇,

坦白講, 我自己最初開個page黎寫下野, 又或者上年寫書, 其實本來個定位都係想好似佢寫0既野咁, 只不過後期自己比較懶, 無咩寫有分析/數據支持的文章。所以睇佢個page, 明顯睇得出佢應該花左唔少心機做研究。

(利益申報: 我真係唔識呢個blogger的。我亦唔多熟識技術分析, 無驗證過佢文章所講0既野。)

虛擬貨幣大跌

有部份虛擬貨幣呢幾日跌左一大截 (但其實都仲係比兩個月前高)。

真心向各網友請教, 如果無虛擬貨幣相關交易平台/交易所的戶口, 睇淡虛擬貨幣的話可以點做? 有無咩簡單快捷成本低的方法?

據我所知, 有美國上市的虛擬貨幣的ETF, 可以用股票戶口做到買賣, 但證卷商無貨做唔到沽空。

(我唔係睇好或睇淡虛擬貨幣。根據以往經驗, 泡沬由高位爆破通常係極短時間內的急升再伴隨極短時間內的急跌。而且, 一個大泡沫爆破, 下跌的速度通常比之前上升更快。趁幾日假期, 係時候做好準備。一旦泡沫真的爆破, 希望可以乘機賺返筆... )

談談虛擬貨幣

就快到年尾, 今年回報應該很不錯, 但比較起早期已開始炒賣虛擬貨幣的人, 回報看來還是頗遜色。

進可攻退可守

趁近期算是較大的調整，在早兩天增加了持倉(佔整體持倉不夠10%)。整體持倉比起早前最高峰期還相差20%。現在算係一個進可攻退可守的水平。

衍生工具

尋日都同朋友講起玩衍生工具大上大落, 有時可能短時間賺好多, 但係相信到最後好多都係輸突。

虛擬貨幣又狂升

近期虛擬貨幣又狂升, 唔少人驚執輸, 想買硬件參與掘礦。

我發現, 原來有好多人唔知在美國的證券交易所, 有虛擬貨幣的ETF可供買賣, 簡單方便, 唔駛搞咁多野。

不過都要提醒大家, 升到咁高, 風險有幾高就自己衡量啦。(利益申報: 本人並沒有電子虛擬貨幣的戶口, 亦沒持有電子虛擬貨幣或其衍生工具)

升穿30000點

雖然話近期升市多左人談論股市, 但唔知係咪因為自己近幾年少左睇電視同留意財經新聞, 個人覺得前幾日升穿30000點, 市面氣氛仍遠不及10年前升穿30000點般熾熱。

呢幾日夾埋跌左成1000點, 可能係一個調整的開始, 但好難想像今次個大牛市會在30000點止步吧?

「股Joy」

近幾年學識左一個有趣的詞語——「股Joy」

因為自己組合上半年遠遠跑贏大市(跑贏約20%)，所以諗住下半年應該可以輕鬆再下一城。

回報與花在看股價的時間通常並不是正比

我一向都認同, 成日掛住睇股價, 容易做錯決定。回報與花在看股價的時間通常並不是正比。篇文章提供了以上說法的數據基礎。

<<高氏密語：買股票大忌>>
https://hk.finance.appledaily.com/finance/daily/article/20171114/20213523

牛市而家去到邊個階段?

牛市而家去到邊個階段?

牛三了嗎?

半日就過800億成交

牛三了嗎?

新股熱潮能否將牛市推上另一個高峰?

近期有接近10隻新股招股上市。

好似好耐無見過咁墟勘的場面。

到底這個新股熱潮能否將牛市推上另一個高峰?

大牛市反思

除非係用非方向性的策略 (市場中性Market neutrual的策略如Arbitrage、Pair trading), 否則, 响呢個大牛市都只係得微利或者打和的話, 應該好好諗下自己的心態、策略、方法出左咩問題。

如果响呢個已接近近十年高位的大牛市都仲蝕緊錢的話, 直頭應該諗諗係咪仲應該繼續留响度。

有潛力帶來牛三的主題

回顧歷來嘅股市，要令牛市結束(急跌)又或者要令到牛市二期進入牛市三期(急升)，總會有些特別事件或者主題。

投資心理學

早排有黎分享會嘅朋友都應該記得, 分享會內近半時間講行為心理學對回報的影響, 同如何克服一般散戶的心理盲點。

早幾日趁調整, 做左些少操作

早幾日趁調整, 做左些少操作。今日個市爆升到近年新高, 而那些板塊反彈完後的現價同早排最高位比較仍然爭咁一大截。

本來覺得自己好勁(又或者好好彩), 不過詳細計返條數先發覺, 雖然估中果D板塊之前估值太高, 而大市升佢都升唔返之前高位, 但實際上早幾日的操作過後, 原來自己賬面係比起完全唔郁唔做野賺少左...

不過, 股市唔係一日定輸贏。我依然深信, 嚴守紀律, 依照既定策略同規則去操作, 才是長遠致勝之道。

所以, 今日再在高位做了些操作, 現金與持股比率無乜點變, 但係變得更著重防守, 減低風險, 為求心安理得。

小調整

睇嚟唔少有經驗、有往績嘅投資高手都對早幾日開始嘅小調整有一定戒心。

唔係估牛市完結，而係有啲算係有實力的二三線公司响呢幾個月真係升左太多。早幾日嘅調整一日裏面跌近一成或更多，正正提醒返大家究竟果D板塊而家估值係咪太高(亦都提醒返大家嗰啲當炒股的股價係幾咁不堪一擊)。

注: 呢度只係講緊當炒板塊某D股價升左好多好多嘅公司。趁呢個小調整花啲時間心機搵吓，市場上仲有啲被忽略的板塊可能有便宜貨。


<<曾淵滄專欄：令人擔心的三件事>>
https://hk.finance.appledaily.com/finance/daily/article/20170929/20167842

趁跌市, 重新檢視了手上的組合

趁跌市, 重新檢視了手上的組合, 調整了現金與持倉的比例 (尤其是一些中細價股, 和幾隻股價升了很多而預期股息率低於自己想要的水平的股票)。比起上星期最高位可能賺少了一截, 但我只求心安理得。

很多時候, 唔少人都會過份著眼賺少左幾多錢, 而想彈高少少先走, 最後錯失高位離場機會。

我唔係估計牛市已經結束, 而係有部份板塊近期真係升得太多, 價格明顯遠高於價值, 我寧願穩陣D安全D, 市場上有大把更便宜/值博的其他選擇。

單日轉向訊號

雖然我唔係奉行技術分析果套方法, 但以自己在美國市場的經驗來看, 個人覺得短炒黎講, 單日轉向的訊號的確有多少參考價值(背後隱藏嘅邏輯其實我都覺得幾合理)。

係咪真正嘅轉向，似乎取決於最初升/跌幅度、開始轉向時嘅幅度同埋發生嘅時間...

<<投資學堂：單日轉向訊號可靠>>

https://hk.finance.appledaily.com/finance/daily/article/20170922/20160678

50%整體回報?

我無詳細睇訪問內容...

不過, 年初至今大單邊市, 50%整體回報或者跑贏大市15%其實唔難...

(我呢個散戶都可能有資格受訪...)

如果只得兩三年track record, 參考價值其實唔大。假如成立5年以上都仲keep到每年平均跑赢大市15%的話, 我就真係佩服了...

https://www.facebook.com/desmondlaihk/photos/a.1547396978897391.1073741828.1544079799229109/1721122304858190/?type=3

金融、理財教育

唔好講中小學生, 其實好多大學畢業但非主修金融的人對金融、理財都無咩認識, 以為股票只係一堆股價會升會跌的號碼...

如果講到衍生工具, 投資銀行ibank的traders/structurers都會睇的Greeks、Pricing models (大學應該只有簡單咁教下BS Model), 甚至連主修金融的大學生都未必有得學。

多一點正規的金融、理財教育應該係好事。

<<【投資教育】內地中小學金融教材：初中要學技術分析！>>

http://businessfocus.presslogic.com/2017/09/19/article/36912/

升市三寶

回望過去, 幾乎每個大牛市都有幾隻熱炒股, 又或者熱炒板塊。响2007年, 「升市三寶」可以話係3隻電訊、保險、石油股。佢地响上個牛市真係威風八面。今個大牛市, 當年的「升市三寶」到今日都仲未重返最高位, 其中一兩隻現時股價大約只有當年高位的一半左右...

有咩潛在事件能令今次牛市結束?

之前講過幾個令人覺得今次似係2005-2007年左右的大牛市的原因。

(7月時出的Post - https://www.facebook.com/ibankgrassroot/posts/1923352121264461)

8月好多公司都出左業績, 唔少都交到幾靚的成績表, 進一步令人覺得似2005-2007年。因為盈利、派息增加, 現在的指數市盈率、息率又似乎變得無之前咁貴了。

坦白講, 我諗左好耐, 但都仲未諗到有咩潛在事件能令今次牛市結束。覺得大市可能已經見頂的人可否指點下小弟?

https://hk.finance.appledaily.com/finance/daily/article/20170903/20141148

有眼不識泰山

記得股神幾年前出自傳無幾耐後, 我就買左一書兩冊的中文版返黎睇, 留意到裡面有些章節提及過比股神更早在他師父Gramham 處工作、同樣奉行價值投資的 Schloss (施洛斯) 這個人。

因為我睇的是中文版, 個譯名唔同, 所以我一路都無認真留意呢位價值投資大師, 直到有Blogger早前提及這位投資大師的名字, 再加上我近期翻看股神自傳才驚現自己原來有眼不識泰山。

再望望手上一些幾年前用類似的「撿煙頭股」方法揀選的持貨回報, 就更有一種相逢恨晚的感覺!!

下面篇文章簡單地講解了他的理念 -

http://therationalinvestor.blogspot.hk/2011/02/walter-schloss-presentation-at-benjamin.html

一個大原則

最近有人問我對「控制注碼」的睇法。

另外, 之前分享會show左d升近倍的記錄, 亦show左唔少蝕但係只係蝕少少的記錄。升的賺得多, 但跌的蝕得少少, 結果成績唔錯。有人問點樣決定幾時離場 (e.g. 點解升左30%時唔走? 升一倍前肯定會經過升30%的階段)。又或者, 點解某D情況下跌少少就走左?

2007年8月17日－－10年前的大奇蹟日

唔知大家仲記唔記得10年前的「大奇蹟日」。

當日恆數大約在20000點左右, 一日之內最多大跌超過1200點, 但收市前不久反彈超過1000點。計返個跌幅同之後反彈的百份比, 都真係唔少野。

初哥們唔知「大奇蹟日」係咩的話, 值得上網詳細了解下。

今日見10週年, 專登睇返當年大奇蹟日幾個月後寫低的記錄。

你真係覺得自己比起股王個公司主席對間公司更了解、更有信心?

股王出了亮麗業績, 成為財經市場焦點。
自己無研究開, 無持貨, 所以都無咩Comment。
錯過係好正常, 無必要好似好多人咁講話後悔幾年前無買。

升5000點, 再跌1000點, 就叫便宜嗎?

剛剛睇股評人的文章, 留意到一個我唔多同意的說法: 「個市而家268xx點由早幾日的高位跌左近1000點, 抵買/值博率高。」
無錯, 跌近1000點, 跌幅百份比算不小, 但有無諗過, 對上一次268xx點, 其實只係7月25日? 當時唔少人見年頭升到7月幾, 升左咁耐, 7月頭仲係25xxx點 (e.g. 7月3日257xx點), 去到7月25日升到268xx, 已覺得好高, 唔值博, 唔值得高追。(1月頭時22xxx點, 亦唔見D人話值博...)
做咩相隔只係半個月左右, 而家就覺得268xx叫做抵買/值博率高?
我唔係預測之後個市短期黎講會升定跌 (因為我無水晶球, 話升或跌都只係純粹靠估), 而係想講, 個人覺得平定貴/抵唔抵買唔應該取決於前幾日的價錢, 而係要睇實際價值。
簡單一個假設的例子: 去街市買斤菜平時大約$10斤咁上下, 但早幾日打風時加價加到$30斤, 而家風暴過後, 降價到$20斤... 你會唔會覺得而家抵買?

大師與小弟

大師: 你叫咩名呀?
小弟: 獨沽求贏 (小弟筆名)
大師: 你想問咩呀? 財運? 工作? 姻緣? 
小弟: 大師, 我最近讀返書, 唔知畢唔畢到業呀? 我幾時發達?
大師: 你個名中的「沽」、「求」、「贏」, 都係屬水, 但係「獨」呢就屬土喎, 水代表智慧, 但水淹土, 變得混濁, 即小聰明, 無大智慧, 甚至愚昧。
小弟: 咁即係點?
大師: 好大機會讀唔成書, 睇你個情況, 中學都未必畢到業, 更加唔好講話而家咁大個人先讀大學啦。
小弟: 唔係掛, 我早已讀完大學, 而家進修緊另一個學位了。
大師: 一命二運三風水四積陰德五讀書, 睇黎你憑自身努力補充了本身的不足, 咁唔駛擔心, 應該畢到業!
小弟: 咁我幾時發達?
大師: 命中無火又無金, 遇到貴人就發達, 遇不到貴人就發霉。
小弟: 幾時先有貴人?
大師: 可能要等下一個10年大運。下一個大運响立春之後開始。

* * * * * *

大師: 你想問咩呀?
小弟: 大師, 我想問隻XXX公司, 放唔放左佢好呀? 佢幾時先識升?
大師: XXX係一隻「炒股」, 無咩基本因素可言, 技術走勢亦麻麻。
小弟: 咁即係點?
大師: 唔應該買呢D股票。睇呢個情況, 好難會升, 稍為理智、有經驗的股民都唔會買呢D。
小弟: 唔係掛, 我半年前打電話問你時, 你話向上突破值得追入架喎, 點知買完之後跌到今日。
大師: 今時唔同往日, 唔同情況自然唔同睇法。睇黎果時係假突破。唔駛擔心, 應該仲有機會升的。
小弟: 咁即係幾時先識升返?
大師: 當炒時就炒得起, 唔當炒時就炒唔起, 有資金炒先識升。技術黎講, 升穿$10就上望$12, 跌穿$8就下會再下試。以技術黎睇, 再睇埋波浪理論, 轉勢時就可能會升。
小弟: 咁幾時轉勢?
大師: 以波浪理論黎睇, 可能要等下一次水星逆轉先會轉勢。立春前後吧。

* * * * * *

注1: 風水命理非精密科學
注2: 小弟唔熟波浪理論, 亦唔識命理, 以上純粹無聊創作, 歡迎高手指教

再談離場 (高息股)

上次寫左篇文講高息股 (https://goo.gl/QXiNHp)。

有人問左個幾好的問題「......股價升對本金個息應該無變，係新買先變相少左息，走左佢去找高息又未升的股，個d通常質素差，如果本身一早買夠貨，洗咩無啦啦走......」, 我嘗試解答自己0既睇法...

離場策略 (高息股)

早前講過準備離場的部署 (https://goo.gl/xRrw8z), 只係事隔兩日, 筆者有部份股票已經到左預定的離場的時候, 所以都做左些操作... (雖然已持貨超過3年, 帶來唔錯的回報, 所以有感情, 但都係時候分段講再見!!)

零成本乜乜法??

以2017/7/28收市價計算
恆生指數市盈率: 14.82
恆生指數週息率: 3.23

股市近期升下升下, 市盈率同週息率已去到接近近20年的中位數, 唔算平亦唔算貴。

另一方面, 唔少公司都發盈喜、盈利增長, 又或者加派息, 市盈率可能會下降/週息率可能會上升, 也許能夠支撐大市再下一城。但股市去到而家水平, 長線投資角度而言, 值博率已唔太高。

牛市二期?

最近見唔少人講而家係大牛市、牛市二期之類。

我唔反對上述觀點, 但亦唔會估上望仲有幾多水位。不過會密切留意手上持貨平定貴。

以自己經驗黎講, 而家個市的氣氛的確有點像2005-2007年初左右的時期。

記得2005-2007年初果時, 鍾意短炒賺少少就賣左, 之後成日想個市跌可以入貨, 點知又一路升, 幾乎無咩機會入貨, 就算買到的都係貴貨。

到今個Cycle、今次大牛市就學精了。手上唔少持貨係2年前買落, 甚至有些超過5年前仲講緊歐債危機時買落。就算跌返幾千點都未驚過。

個市升左咁多而家先話牛市走去入市嘅人, 會唔會太後知後覺?

小弟今年個人表現

小弟今年個人表現, 暫時黎講, 遠遠跑贏篇報導裡面所講最佳表現的基金超過10%!!

無可否認, 運氣非常重要, 但撇除運氣這個因素外, 我覺得自己最叻唔係短線炒炒賣賣, 或者預測股價, 而係能夠在相對低位買左價格低於價值的股票後, 坐定定唔亂咁郁, 食盡上半年大升市的耐性同心理質素 (某程度上係夠「懶」)。

文中所講的不少基金跑輸指數亦值得留意 (我响自己寫果本書度其實都講過類似嘅野, 呢篇報導亦可作為一個參考)。

《趣BLOGBLOG：散戶充芬佬　芬佬變懶人》
http://s.nextmedia.com/apple/a.php?i=20170716&sec_id=15307&s=0&a=20090865

最近在檢視自己2017年上半年表現

最近在檢視自己2017年上半年表現

2017上半年整體回報大幅跑嬴指數(已計算股息在內)

(注意: 係組合內全部持倉夾埋的整體回報, 而唔係只係其中一兩隻持股)

如果無咩意外, 保持到水準到年尾的話, 應該會係近10年表現最好的一兩年

諗左好耐點解呢半年表現特別好, 有咩秘訣, 總結有3大原因... <待續>

《大學沒有教的股票價值投資法》

《大學沒有教的股票價值投資法》

昨晚去左聽巴黎Sir (巴黎的價值投資網誌作者) 課程的最後一堂, 非常熱鬧。

放學時見有學生專登帶左巴黎Sir 3年前的第一本著作《大學沒有教的股票價值投資法》搵佢簽名, 我都感到非常高興。我呢D後輩, 能夠參與編輯佢第一本著作, 絕對係我0既榮幸 (借D依沾一沾佢光)。

雖然我係外資投資銀行出身, 有段時間專做電腦交易系統 (演算法交易 Algo trading / 高頻交易 high frequency trading系統), 亦坐過炒房Trading floor, 日常工作同價值投資某程度上係互相違背, 但我個人係信奉價值投資這一派的。

分析一間公司可能有錯, 只好怪自己學藝不精。相對於炒技術分析、圖表、公司異動之類的門派, 我覺得價值投資對散戶而言, 最合理、最合邏輯亦最易實踐。

好多人唔知道, 當年出佢呢本書《大學沒有教的股票價值投資法》花左幾多心機同時間。

學藝未精走去教人?

無意中睇到一個過十萬fans的page的教學video
段片大約16分鐘開始, 透過一份大行報告, 去教人點分析一間保險公司
(段片好長, 由16分鐘開始睇5分鐘就夠)
我唔係cover保險公司的Analyst, 但係好明顯, 段片有好基本的Concept都講錯

主持人响17分鐘左右講話唔駛睇「壽險規模保費」, 睇「現金流」就夠
20分鐘開始講話唔駛理「新業務價值」之類

不過, 雖然我唔係一個咩高手, 但我都知道,
保險公司的「新業務價值」意思唔係純粹字面上所見的「新的業務」的價值
對於保險公司而言「新業務價值」的重要程度比「現金流」可能更大

近期股市暢旺, 坊間多左好多投資/炒股講座或者課程

近期股市暢旺, 坊間多左好多投資/炒股講座或者課程
睇返D課程大綱/預覽內容, 好多都真係得啖笑
其實有無人上過呢D課程而真係賺到錢又或者覺得有用??

上一個大牛市已經係10年前, 新一個大牛市會唔會已經開始左?

股市最近創出2015年8月以來的新高

筆者的投資組合回報今年年初其實已經接近重返2015年大時代的高位

年初至今回報約35%, 跑贏大市約20% (指數同期約14%升幅)

簡單檢視自己的投資組合, 發現其中有幾樣野值得留意

投資界高手的投資組合

無意中發現這個網頁
可以看到投資界高手包括股神的投資組合
(不過不清楚資料有幾新, 幾耐更新一次, 但也值得看看)

http://www.gurufocus.com/holdings.php

恭喜發財, 祝大家新一年財運亨通, 萬事勝意!!

恭喜發財, 祝大家新一年財運亨通, 萬事勝意!!

近期好少更新這個page, 原因並唔係因為我懶, 而係察覺唔到市場有咩特別明顯值搏率高的機會

交易太過頻繁, 次數太多, 唔代表成績會更好, 反而好多時候會因為交易費用而影響回報率, 更甚者係出手次數越多, 出錯機會越多

既然沒有特別的機會, 就無必要出手交易, 無必要去冒任何風險, 回歸基本步, 穩健投資, 甚至咩都唔做可能先係最好, 就係咁簡單