牛市而家去到邊個階段?

牛市而家去到邊個階段?

坦白講, 我有點覺得仍可能在牛二的階段。

睇返2005年開始到2007年頭, 兩年左右由14000點左右升至21000多點, 兩年升幅近50%, 一般也只當成經濟穩步上升, 股民信心漸強的牛二 (未到牛三的瘋狂)。

去到2007年年中先至再急升, 兼有持續的大成交, 幾個月就急升左近50%, 幾乎全民皆股, 不少人不問價追貨, 就頗明顯係牛三。

再睇返2016年頭最低位至今差唔多兩年, 其實升幅都係60%左右, 同2005年至2007年頭個升幅差唔多, 亦未見有持續的大成交、明顯的主題。所以短期狂升的牛三階段係咪真係開始左, 我仲有保留。

不過, 當然啦, 每次牛市都總有點不同。我都係純粹憑經驗「靠估」。

個別股市的短期走勢通常只係Random, 短期預測通常都只係純粹靠估成份居多。但大市黎講, 去到邊個階段則較為有得分析。如果能分清牛二定係牛三, 有助部署。