回顧歷來嘅股市,要令牛市結束(急跌)又或者要令到牛市二期進入牛市三期(急升),總會有些特別事件或者主題。
單新聞如果成真嘅話,個人覺得會係有潛力帶來牛三(當然,有潛力但唔代表機會好大)。但好多人睇得太表面,覺得慳得少少錢,實際影響唔大,最多只係升幾百點嘅好消息。
以筆者曾經響國際投資銀行專門做自動化電腦交易系統的角度黎睇,宏觀一點來說,交易成本大減嘅話,响本地市場因交易成本太高而未成氣候的電腦交易同埋高頻交易(High frequency trading)就可能會變得更有利可圖。換句話來講,高頻交易可能會因而在本地市場興起。不過高頻交易相關系統嘅設立要花上一點時間,唔係話幾日之內完成嘅事。
上網查下外國嘅股票市場數據,就會發現,電腦自動化交易、高頻交易,可以佔市場成交頗大部份。如果本地市場都有空間俾大戶玩高頻交易,長遠來講,可能大大推高每日成交額(牛市三期其中一個重要特徵就係成交額的大增)。
<<股票印花稅或減 恒指夜期彈百點>>
沒有留言:
張貼留言