剛剛睇股評人的文章, 留意到一個我唔多同意的說法: 「個市而家268xx點由早幾日的高位跌左近1000點, 抵買/值博率高。」
無錯, 跌近1000點, 跌幅百份比算不小, 但有無諗過, 對上一次268xx點, 其實只係7月25日? 當時唔少人見年頭升到7月幾, 升左咁耐, 7月頭仲係25xxx點 (e.g. 7月3日257xx點), 去到7月25日升到268xx, 已覺得好高, 唔值博, 唔值得高追。(1月頭時22xxx點, 亦唔見D人話值博...)
做咩相隔只係半個月左右, 而家就覺得268xx叫做抵買/值博率高?
我唔係預測之後個市短期黎講會升定跌 (因為我無水晶球, 話升或跌都只係純粹靠估), 而係想講, 個人覺得平定貴/抵唔抵買唔應該取決於前幾日的價錢, 而係要睇實際價值。
簡單一個假設的例子: 去街市買斤菜平時大約$10斤咁上下, 但早幾日打風時加價加到$30斤, 而家風暴過後, 降價到$20斤... 你會唔會覺得而家抵買?
沒有留言:
張貼留言