你真係覺得自己比起股王個公司主席對間公司更了解、更有信心?

股王出了亮麗業績, 成為財經市場焦點。
自己無研究開, 無持貨, 所以都無咩Comment。
錯過係好正常, 無必要好似好多人咁講話後悔幾年前無買。


別人賺到的錢, 自己賺不到, 是別人的本事, 可以係因為分析力強、有眼光、夠EQ坐貨, 甚至係純粹運氣比你好。
股市總會有些爆升幾倍或者幾十倍的明星股。唔少人搭順風車都會賺到錢。唔理靠基本分析定技術分析, 總之就賺到錢, 賺到的錢就係最有說服力的論據。
不過, 有唔少股評人都愛分析股王的業務、談談其前景, 有持股的甚至愛說自己當年眼光如何獨到、幾咁了解間公司運作、分析如何準確云云。
如果因為心理質素強, 坐貨坐幾年賺一個大浪的確唔簡單。
但講到話咩眼光獨到, 吹噓幾年前已詳細分析覺得會爆上之類云云, 我就覺得「咪玩啦? 連間公司主席幾年前都未必睇到股王今日咁強, 一個局外人真係咁有眼光, 靠花幾個鐘睇下年報睇下新聞, 就分析到一間行業發展變化得很快的科技公司今天的景況?」
(如果有留意開財經新聞, 或者上網查下, 大約2014-2015年期間, 間公司個主席都減持左唔少持股, 你真係覺得自己比起個公司主席對間公司更了解、更有信心?)