升市三寶

回望過去, 幾乎每個大牛市都有幾隻熱炒股, 又或者熱炒板塊。响2007年, 「升市三寶」可以話係3隻電訊、保險、石油股。佢地响上個牛市真係威風八面。今個大牛市, 當年的「升市三寶」到今日都仲未重返最高位, 其中一兩隻現時股價大約只有當年高位的一半左右...

記得大約幾年前, 睇過有文章分析話下一個大升市的熱炒板塊會係科技股。事後看來, 今次的「升市三寶」似乎都係同科技有關。坦白講, 我已經搵唔返相關文章, 但係不得不佩服有人能夠响幾年前(而唔係馬後砲)咁睇好科技板塊。

有朋友問我而家有幾多「升市三寶」, 我的答案係「無!!」真係一手都無。

別人賺到的錢係別人的本事。我唔識分析, 賺唔到都無計。

睇返自己整個組合今年的整體回報, 再同全倉All in「三寶」的表現比較, 也不算遜色, 所以我又唔會後悔無買佢地。

只不過, 自己花咁多功夫去分析/研究, 結果回報可能只係同人地求其咁跟大隊買中最熱炒股差唔多, 實在又有點不是味兒(當然, 實際情況下應該好難會見到有人All in, 仲要係All in中晒幾隻「升市三寶」坐貨坐到而家)。但係無計, 呢D錢唔係我賺0既, 我唯有賺返用自己熟識的方法賺的錢。

順帶一提, 2007年的大牛市的「升市三寶」, 縱使市值頗大, 但由最低位升至最高位計算, 升幅係可以達到數倍。而今次的「升市三寶」已經升左唔少, 如果跟返以前劇本咁行, 個升幅其實又未至於好誇張。

不過, 我就無勇氣無閒錢去冒險了。