進可攻退可守

趁近期算是較大的調整，在早兩天增加了持倉(佔整體持倉不夠10%)。整體持倉比起早前最高峰期還相差20%。現在算係一個進可攻退可守的水平。



這次增持除了是相信牛市未完之外，亦是因為早前沽出的貨在近期的調整中股價下跌至比我賣出的水平有一個距離，變得有投資價值。

一個大牛市，升到最高峰前，總會有各個大大小小的調整。如果手頭上現金充足，只要做足功課而手上的貨係優質、入貨價夠平夠抵、股息回報夠高，就算股市跌返幾千點，依然會有穩定現金流，其實都唔會驚得濟俾人震走。相反，純粹人云亦云咁去高追股票，一個小調整已經可以損失慘重。

接近年尾，我諗無咩意外的話，我都會好似好多基金經理咁休息下，埋單計數，短期內都唔會有咩大動作。